Ракомет

(ФОТО) Охрид убедлив против Еурофарм Пелистер 2, „гладијаторите“ до шеста сезонска победа

Сподели
Сподели

Ракометарите на ГРК Охрид продолжуваат со добрите настапи во македонската Суперлига, откако на домашен терен во СЦ „Билјанини Извори“ убедливо го совладаа Еурофарм Пелистер 2 со 35-19.

„Гладијаторите“ на Борис Ројевиќ ја оправдаа фаворитската улога и уште од самиот почеток покажаа дека бодовите ќе останат во Охрид. Домашниот состав го отвори натпреварот со серија од 4-0, а предноста постојано растеше. Во 18. минута охриѓани имаа водство од 13-5, додека на паузата заминаа со убедливи 21-9.

Во второто полувреме, охридските ракометари рутински ја одржуваа предноста и без поголеми проблеми го приведоа натпреварот до крај за конечни 35-19. Победата беше очекувана, а единствената дилема беше со каква разлика ќе слават домаќините.

Адама Кеита и Никола Зечевиќ беа најефикасни во победничкиот состав со по шест погодоци. Доминик Мате и Шуичи Јошида постигнаа по пет гола, додека кај гостите од Битола најрасположен беше Кристијан Симоновски со шест погодоци.

Со оваа победа, ГРК Охрид стигна до шестиот сезонски триумф и сега има 13 бодови на своето конто.

Во следното коло избраниците на Борис Ројевиќ ги очекува гостување против Куманово, додека Еурофарм Пелистер 2 ќе има нов предизвик на домашен терен, каде што ќе ја пречека Струга.



Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Останато

Благодарница за министерот Ристовски за поддршката и придонесот во одржувањето на Скопскиот маратон

Во име на организаторите на Скопскиот маратон, генералниот секретар на Сојузот на спортови на Скопје, Гордана Кузмановска Николовска денеска му врачи благодарница на...

Турнири

Уште само пет слободни места за новогодишниот турнир во Демир Хисар – награден фонд од 180.000 денари!

Интересот за новогодишниот турнир во мал фудбал во Демир Хисар е голем, а организаторите информираат дека остануваат уште само пет слободни места за...

Поврзани написи
Ракомет

Вардар Неготино како „експресен воз“ го „прегази“ Радовиш, Македонија Ѓорче Петров со голема победа го „тресна“ Пролет

Деветтото коло од Првата ракометна лига во машка конкуренција донесе пет гостински...

Ракомет

Сите патишта водат кон „Млаз“ – Богданци и целиот Југоисток се обединуваат за првата победа на Младост!

Во сабота, Богданци повторно ќе живее за ракометот! Легендарната сала „Млаз“ се...

Ракомет

(ВИДЕО) Кадетите на Младост со голема победа против Куманово – Иванџиков постигна 12 гола, плеј-офот сè поблиску!

Кадетите на РК Младост 1977 од Богданци забележаа значајна победа во Кадетската...

Ракомет

Томовски блесна против Мелсунген – десет одбрани и гол за македонскиот голман во Бундеслигата!

Македонскиот репрезентативен голман Мартин Томовски имаше одлично издание во германската Бундеслига, давајќи...

✕
error: Содржина е заштитена! Се забранува копирање на истата!