Куманово се раздели со еден Бразилец откако Чиао Винициус замина во Охрид, но сега кумановскиот ракометен клуб донесе нов Бразиелц, станува збор за Гилерме Да Силва Фернандес.
Новото засилување на Куманово игра на позицијата десен бек, а во Куманово доаѓа од бразилското првенство до тимот на Сао Каетано, а претходно настапуваше во португалскиот шампионат во тимот на Артистик Аванка.
„Официјално од денес нов ракометар на МРК Куманово е Бразилецот Гилерме Да Силва Фернандес кој игра на позиција десен бек. Овој играч доаѓа од бразилското првенство од тимот на Сао Каетано, а предходно настапувал и во португалскиот шампионат за екипата на Артистик Аванка. Висок е 196 сантиметри и тежок 100 килограми и ќе биде замена за Чиао Винисиус кој од полусезоната ќе настапува во дресот на ГРК Охрид.“
Куманово есенскиот дел го заврши на деветтото место на табелата со осум бодови на своето конто и учинок од четири победи и 12 порази.
Пролениот дел го отвара во Битола против актуелниот шампион Еурофарм Пелистер.
