Откако ФИФА објави дека Шкупи е на листата на клубови на кои им се забранува регистрација на нови играчи во следните три преодни рока, клубот веднаш излезе со соопштение.
„Во врска со информациите кои се појавија во медиуми, а кои се поврзани со блокадата на ФК Шкупи на трансфер пазарот сакаме да ве инфорамираме дека претседателот Јасин Коњали ја презеде одговорноста да ги исплати долговите кои беа оставени. Како што е познато, за комплетирање на документацијата е потребно време, додека документите се веќе во процедура се надеваме дека следната седмица сите проблеми ќе бидат решени. Тоа ќе значи дека Шкупи нема да има проблеми во јануарскиот преоден рок“, се вели во клупското соопштение.
Останува да видиме како ќе се одвиваат работите и дали Шкупи ќе може да среди се што треба за да нема проблеми со трансферите.
