Новата сезона 2026/2027 во Втората македонска футсал лига започнува утре, а борбата за првите две позиции, кои носат пласман во елитното друштво, се очекува да биде интересна. Во конкуренција на девет екипи, меѓу главните кандидати за враќање во Првата лига се издвојуваат Црна Река од Кавадарци, Балкан и Мал Ајакс од Штип.
Поранешниот прволигаш од Кавадарци има јасни амбиции оваа сезона да заврши меѓу првите две екипи и да обезбеди враќање во најсилната конкуренција. Сепак, Црна Река ќе има сериозна конкуренција, пред сè од Балкан и Мал Ајакс, кои минатата сезона испаднаа од Првата футсал лига и исто така ќе се стремат кон брзо враќање.
Секако, не е исклучена можноста и некоја друга екипа да се вклучи во трката за највисок пласман, но засега овие три тима се наметнуваат како кандидати со отворени амбиции за место во елитата.
ПОДДРЖИ ЈА СПОРТСКА МРЕЖА СО СИМБОЛИЧНА ДОНАЦИЈА
Првите натпревари од новата сезона се играат утре. Од 18:30 часот во Кочани, Фудбал Старс ќе се соочи со Кратово, со што официјално ќе биде отворена сезоната. Од 20 часот е дуелот меѓу Каршиака и дебитантот Шутка 1, додека од 20:30 часот Балкан ќе ја пречека Победа.
Првото коло ќе биде комплетирано в недела во Штип, каде што во дербито на два поранешни прволигаши, Мал Ајакс ќе го пречека Овче Поле од Свети Николе. Натпреварот е закажан за 18 часот.
Во првото коло слободна е екипата на Црна Река од Кавадарци, која ќе го започне својот настап во следната рунда.
Со девет екипи во конкуренција и две места што водат кон Првата македонска футсал лига, претстојната сезона носи интересна борба, а останува да се види кој ќе ги исполни амбициите и ќе обезбеди враќање во елитата.
