Прволигашот Беса од Добри Дол го промовираше Шефит Шефити како ново засилување за пролетната полусезона од Првата лига.
26-годишниот Шефити во Беса доаѓа од редовите на второлигашот Арсими од Чегране, а претходно беше дел од тимот на Приштина во Косово, а настапуваше и за Ренова во период од 2020 до 2022, фудбалски потекнува од Шкендија, каде настапуваше до 2020 година.
Шефити ќе биде голем потенцијал во нападот на Беса и ќе биде важен адут на тимот во пролетниот дел за остварување на целта, а тоа е директен и сигурен опстанок во Прва лига.
Како што дознава Спортска Мрежа пред промоција во Беса е и босанскиот интернационалец Алдин Хрвановиќ, кој во следните денови ќе биде официјално промовиран во дресот на Беса.
Тој доаѓа од тимот на Слобода Тузла, а во својата кариера има настапувано за Зрињски Мостар, Ступчаница, Радничку Луковац, Братство Грачаница, Игман Коњиц, Слобода Тузла, Чаплина и Зелезничар, а имаше настап и за Пајде и Дорнач.
26-годишникот од БиХ треба да биде големо и квалитетно засилување, но и освежување во редовите на Беса.
