Екипата на Проект од Јосифово за сезона 2026/2027 ќе биде посилна со Насаф Шабанов, кој е промовиран во дресот на македонскиот футсал шампион.
26-годишниот фудбалер носи и меѓународни искуство, а од Проект го претставија како играч со голем индивидуален квалитет и доаѓа како сериозно засилување.
Шабанов низ кариерата настапувал за Беласица, Превалец, Вардар Неготино, Плачковица, Локомотива од Градско, Братство од Житоше, Новаци, кичевски Влазерими, додека пак меѓународна кариера градеше во Германија настапувајќи за Витлинген и во Хрватска во дресот на Омишаљ.
Клубот од Јосифово кој одбраната на титулата ја започнува на домашен терен против Јуветус Серава претходни ги промовираше Александар Черкезов, повратникот Никола Анчевски, Кирил Неделков и Андреј Коцевски.
