Промени во управата на третолигашот Росоман, Сашо Дуков е избран за нов претседател на клубот, кој во минатото се натпреваруваше и во Втора лига – Исток.
Дуков, продолжува и натаму активно со играње на фудбал, тој во тековната сезона го носи дресот на Охрид, каде има одлична форма и е најдобар стрелец на Охрид со шест гола во есенскиот дел од Втората лига.
На седницата беа предложени тројца кандидати, Сашо Дуков, Љупчо Крстевски и Дејан Златанов, за истите се гласаше, а мнозинството од гласовите го доби Дуков, додека пак Златанов е назначен за секретар на клубот.
Управата на клубот ќе се формира во следните денови, а притоа досегашниот претседател на клубот, Игор Темелков им се заблагодари на сите за претходната соработка и поддршка.
Екипата на Росоман настапува во Трета лига – Југ.
