Ново европско задолжение за македонскиот судиски тандем Методија и Михајло Илиевски. Браќата Илиевски добија доверба од Европската ракометна федерација и ќе бидат дел од второто коло во женската Лига на Европа.
Нивната следна задача е во Хрватска, каде ќе ја делат правдата на првата средба од двомечот меѓу Бјеловар и францускиот Шамбре Турен.
Натпреварот ќе се одигра на 3 октомври со почеток од 19:00 часот, додека ЕХФ за делегат на средбата го назначи Ватај од Унгарија.
За Илиевски ова е уште едно европско делегирање во сезоната и потврда дека продолжуваат да бидат ангажирани на меѓународната сцена.
