Нов термин доби големото дерби во рамки на 5. коло од Супер машката лига. Пресметката меѓу актуелниот шампион Вардар и Охрид во СЦ „Јане Сандански“ ќе започне половина час порано од првично планираното.
Наместо од 19:00 часот, двете екипи ќе истрчаат на терен во 18:30 часот, во натпревар кој привлекува големо внимание поради досегашните меѓусебни дуели во новата сезона.
Вардар и Охрид веќе трипати ги одмерија силите откако започна сезоната. Двата тима се сретнаа во финалните натпревари на турнирите во Струга и Охрид, а потоа следуваше и официјалната битка за Супер купот на Македонија.
Дербито во Скопје сега ќе биде нивната четврта меѓусебна пресметка, но втора која носи бодови во официјалното првенствено натпреварување, што дополнително го зголемува значењето на дуелот.
