Утре се играат натпреварите од осминафиналето од Купот на Македонија во женска конкуренција, познати и судиите кои ќе бидат задолжени да ја делат правдата на мечевите од првата фаза.
Дербито меѓу прволигашите Каменица Саса и Скопје ќе го суди Дарко Стојанов, а негови помошници ќе бидат Богданчо Ѓеоргиев и Кирил Јованов.
Натпреварот меѓу Истатов и Ржаничино ќе го суди Боби Величков, а негови асистенти ќе бидат Роберт Црвенов и Александар Ајдаров.
Речица на домашен терен ќе игра со Топ Гол, а правдата ќе ја дели Ивица Перовски, а ќе му помагаат Хабиљ Љиворека и Имран Абази.
Вардар ќе се соочи со Пелистер, а главен арбитар ќе биде Вјолца Изеири, ќе асистираат Тамара Цветановиќ и Идриз Идризи.
Во Струга ќе се соочат Ас Јунајтед и Менада, за правдата ќе се погрижи Фатмир Бафот, а ќе му помагаат Горан Балески и Стефан Петрушевски.
Кочани ќе го пречека второлигашот Плачковица, а Ндерим Тефику ќе дели правда, со асистентите Станко Митровиќ и Снежана Илиевска.
Билјанини Извори ќе игра со фаворитот Љуботен, Благојче Ралевски ќе дели правда, а ќе му помагаат Ангела Домазетовска и Дарко Василевски.
