Кошаркарскиот клуб ТФТ Скопје ја продолжува соработката со компании кои ги препознаваат спортските вредности, а пред почетокот на новата сезона клубот го претстави Dongfeng Motor Macedonia како свој нов партнер.
Кинескиот автомобилски бренд ќе биде дел од семејството на ТФТ во сезоната 2026/27, со што двете страни започнуваат партнерство засновано на заеднички вредности – сила, издржливост, амбиција и стремеж кон успех.
Од клубот истакнуваат дека поддршката од бренд од светски ранг претставува дополнителен мотив за ТФТ во новата сезона, во која клубот влегува со високи амбиции.
Со ова партнерство, Dongfeng Motor Macedonia станува дел од ТФТ семејството и ќе биде поддршка за клубот во предизвиците кои следуваат во сезоната 2026/27.
