Македонската Дејвис куп репрезентација новата сезона ќе ја започне со натпревар на домашен терен против селекцијата на Јужна Африка во рамки на Светската група II. Така одлучи денешната ждрепка одржана во Лондон.
Јужна Африка минатата година на домашен терен ја совлада Црна Гора со 3:2, додека потоа загуби од Босна и Херцеговина со убедливи 4:0.
За македонските тенисери ова ќе биде втор дуел со Јужна Африка во историјата. Првиот меѓусебен натпревар се одигра во 2009 година во Јоханесбург, кога Македонија гостуваше во рамки на Светската група I. На тој меч Јужна Африка славеше со максимални 5:0.
На актуелната Дејвис куп ранг-листа, Јужна Африка се наоѓа на 59. место, додека Македонија е на 78. позиција.
Дуелот ќе се одигра во еден од двата предвидени термини – 5 и 6 февруари или 6 и 7 февруари 2027 година.
