Скопје ја продолжува победничката низа откако во Струга славеше над Ас Јунајтед со 2:4, во натпревар од 7. коло на Првата женска фудбалска лига.
Шампионот со два брзи гола дојде до предност од 0:2, откако Ивана Милевски погоди во 10. минута за отварање на резултатот, а пак во 13. минута погоди за двојна предност.
До крајот на првиот дел домаќинот успеа преку Елена Мацевска и Веса Села израмни на 2:2 по првите 45 минути.
Во вториот дел Христина Јошевска донесе нова предност за Скопје, откако погоди во 61. минута, а печат на победата за тимот од Пржино стави Рабија Дервиши во 85. минута.
Пелистер и Каменица Саса ги поделија бодовите во меч каде беа постигнати четири погодоци за конечни 2:2. Прв до предност во Кравари стигна гостинот преку капитенот Ана Димитровска за 0:1 на полувреме.
Во вториот дел Марија Стојановска израмни на 1:1 во 66. минута, а само една минута подоцна Димитровска со втор гол ја врати предност кај „рударките“.
Радоста на гостинот од Каменица Саса ја украде Ана Нешковска, која во 87. минута постигна гол за конечни 2:2 и делба на бодовите.
Тежок пораз доживеа Кочани, откако на гостување кај Речица беше декласиран со 5:1. Интересно е тоа што во првиот дел мрежи мируваа, а сите голови „паднаа“ во вториот дел.
Лана Спасовска постигна хет-трик за Речица, а по еден гол постигнаа Анѓела Петковска и Софија Величковска, додека пак за гостинот единствен стрелец беше Катерина Милеска, која погоди во 72. минута.
Во долниот дел од табелата работите почнуваат да стануваат интересни, со тоа што Кочани останува „закован“ на дното од табелата со еден бод, а по четири бодови имаат Речица и Вардар за делба на осмото место.
На врвот од табелата по седум кола е шампионот Вардар со 18 бодови, а го следи Љуботен како втор со 17 бодови, додека пак Пелистер е трет со 16 бодови.
- ЦЕЛА ТАБЕЛА ОД ПЖФЛ:
