Македонскиот репрезентативен голман- Мартин Томовски повторно имаше забележителна вечер во германската Бундеслига, овојпат на исклучително тешкото гостување кај Магдебург.
Иако Битигхајм не успеа да дојде до позитивен резултат и беше поразен со 33-24, Томовски беше еден од клучните играчи на својот тим. Македонскиот репрезентативец собра 16 интервенции и беше меѓу најзаслужните што неговата екипа остана конкурентна во делови од натпреварот.
Томовски помина дури 58 минути на голот, а средбата ја заврши со 33 проценти успешност. Сепак, силниот настап на македонскиот чувар на мрежата не беше доволен за Битигхајм да му се спротивстави на актуелниот германски првак до самиот крај.
