Воведниот меч од третото коло на Трета регион 2 заврши без победник, со два гола, Речица и Пчиња ги поделија бодовите играјќи 1:1, откако домаќинот на шест минути пред крајот прими гол и остана без можноста да го собере целиот „плен“.
Шансите кои ги имаа и двете екипи не успеваа да ги крунисат во гол, па првиот дел се затвори со 0:0. Во вториот дел темпото и интензитетот прво вроди со плод кај домашниот тим, кој преку Дарио Јакимовски во 75. минута го отвори резултатот и стигна до водство.
Сепак, Речица, кој се обидуваше да го сочува водството и да создаде шанса за нов гол, се случи спротивното, гостинот преку Никола Ѓорѓиевски во 84. минута го израмни резултат на конечните 1:1.
Пчиња до утре ќе го држи врвот со ефект од две победи и едно реми за вкупно седум бодови, а пак Речица стигна до второто реми, а претходно имаше и една победа и со пет бодови е на четвртото место.
Третата рунда во регион 2 ќе се комплетира утре со останатите средби.
