Второлигашот Кожуф од Гевгелија и досегашниот тренер Дарко Крстески спогодбено ја прекинаа соработката, информираа од клубот.
Кожуф му се заблагодари на Крстески за досегашниот ангажман, професионалниот однос и придонесот во работата на клубот, посакувајќи му многу успех, здравје и среќа во продолжението на тренерската кариера.
Крстески го напушта тимот по шест одиграни кола во тековната сезона. Кожуф во досегашниот дел од првенството оствари две победи, едно реми и четири порази, со што има освоено седум бодови.
За гевгелискиот состав следува репрезентативната пауза, по која Кожуф ќе се врати на терените со гостување кај Детонит Плачковица во Радовиш.
Од клубот засега не објавија информација за тоа кој ќе биде наследник на Крстески на тренерската позиција.
