Познати судиите кои ќе ја делат правдата на мечевите од првото воведно коло на новата сезона во Втората женска фудбалска лига.
Утре со мечот меѓу Башкими и Менада во Слупчане ќе започне новата сезона, а кој меч стартува во 11 часот. Правдата на истиот ќе ја дели Милош Алексиќ, а негови помошници ќе бидат Валтон Маличи и Предраг Анѓелковски.
За контролор на овој меч е одреден Бранислав Јанушев.
Еден час подоцна, односно во 12 часот започнува средбата во Радовиш меѓу Плачковица и Билјанини Извори, главен арбитар ќе биде Виолета Јанчева, а помошници ќе бидат Иван Танев и Стефан Митров.
Контролор на овој натпревар ќе биде Зоранчо Темелков.
В недела од 12:30 часот ќе започне мечот меѓу Ржаничино и Победа Валандово, а Александар Ѓорѓиевски ќе ја дели правдата, со асистентите Александар Николоски и Виктор Здравев.
Музафер Исмаили ќе биде контролор на овој натпревар.
Првото коло се затвара во Охрид со натпреварот меѓу Топ Грлс и Топ Гол, Јован Качевски ќе биде главен судија, а ќе му помагаат Разме Бакрачески и Јован Анѓелкоски.
Контролор на овој натпревар ќе биде Ацо Мацевски.
