Дисциплинската комисија на ФФМ на денешната седница донесе повеќе одлуки по разгледувањето на случувањата на натпреварите од Македонската фудбалска лига.
Фудбалерот на Охрид Лихнидос, Дамјан Масевски, е казнет со забрана за настап на четири натпревари, додека играчот на Аресими 1973, Муслими Мухарем, доби суспензија од еден натпревар.
Брегалница 2008 е казнета со 150 евра поради користење на една бакља на натпреварот против Силекс во Кратово. Воедно, против штипскиот клуб е поведена и дисциплинска постапка поради користење пиротехнички средства на натпреварот против Скопје АД.
Дисциплинска постапка е поведена и против Вардар поради слаба организација, односно присуство на повеќе лица од дозволениот број во ВИП-ложата на натпреварот против Шкендија Арачиново 77.
Дополнително, Комет администраторот на Шкендија Арачиново 77, Исуф Бајрами, е казнет со забрана за вршење функција во траење од шест месеци. Казната е изречена поради неспортски, понижувачки и вулгарен однос, како и вербален напад врз судиите на натпреварот Вардар – Шкендија Арачиново 77.
