Струга Трим Лум го пречекува Арсими во натпреварот од осмото коло во Првата македонска фудбалска лига, со јасна цел – да стигне до нова победа и да го задржи чекорот со Шкендија на врвот на табелата.
Стружани влегуваат во натпреварот со амбиција да продолжат со добрите резултати и со три бода да останат во самиот врв, додека Арсими ќе се обиде да приреди изненадување на гостувањето и да стигне до позитивен резултат.
„Го почитуваме Арсими, но Струга Трим Лум има јасна цел, а тоа е трите бода да останат кај нас. За да го оствариме тоа, мораме да дадеме и повеќе од максимумот за да стигнеме до посакуваниот резултат.
Во модерниот фудбал сите знаеме дека повеќе нема лесни противници. Затоа мораме да бидеме на потребното ниво и да одиграме како што знаеме, за да ја продолжиме победничката серија на домашен терен“, изјави Радески.
Натпреварот меѓу Струга Трим Лум и Арсими е закажан од 16 часот на Градскиот стадион во Струга, а ќе го суди Бењамин Керими.
