Шестото коло на Првата женска фудбалска лига го донесе првиот бод за Вардар, откако успеа во Тетово да одигра 2:2 против Љуботен, кој во финишот се спаси од пораз.
Само по една минута игра во Тетово домашниот тим преку Хава Мустафа дојдоа до водство од 1:0, но во 25. минута токму Мустафа му донесе израмнување на Вардар, откако си постигна автогол.
До крајот на првиот дел се случи и комплетен пресврт откако Меланија Грозданова постигна гол во 34. минута против својот поранешен клуб за водство на Вардар од 1:2.
Само пет минути го делеа Вардар од прва сезонска победа, но Улза Максути успеа во 85. минута да постигне гол за конечни 2:2 и делба на бодовите.
Ваквиот „кикс“ му одговара на шампионот Скопје, но и на новајлијата Пелистер, бидејќи со по 15 екипи двете екипи го делат врвот од табелата, а пак Љуботен со 14 бодови сега е на третото место.
Во однос на самата табела на четвртото место е Тиверија Брера со 13 бодови, следува Каменица Саса како петта со 12 бодови.
Ас Јунајтед е шести и има осум бодови, Истатов е седум со шест бодови, а пак Вардар, Кочани и Речица со по еден бод се позициониран на осмото, деветтото односно десеттото место.
