Младост испушти победа од раце против Прилеп на домашен терен, од плус седум гола предност до пораз со еден разлика, во неверојатниот натпревар од 2. коло на ракометната Супер лигата.
Натпреварот веќе е минато, фокусот мора да биде ставен на следниот меч, а повратникот во ракометната елита ќе треба да ја бара првата сезонска победа.
Искусниот голман Горан Паунков, во изјава за Спортска Мрежа вели дека поразот боли, но тој несреќен пораз е за нив и фокусот е на идните натпревари.
„Пораз кој боли, од добиен натпревар на крајот гостите беа тие што се радуваа на бодовите. Но, тоа е спортот мора да го оставиме овој несреќен пораз зад нас и да се фокусираме на идните натпревари, РК Младост покажа во првите две кола дека има квалитет и дека ќе се надигрува со сите противници, се надеваме дека во наредните натпревари среќата ќе биде на наша страна“, изјави Горан Паунков во изјава за Спортска Мрежа.
Паунков смета дека Вардар во Богданци може да дојде во комбиниран состав, но како што вели сепак Вардар е бренд.
„Следниот противник ни е двократниот европски шампион Вардар, екипа која е фокусирана во освојување бодови во лигата на шампионите, мислам дека ќе дојдат во комбиниран состав, но сепак Вардар е бренд, се надевам побргу ќе го заборавиме натпреварот со Прилеп и ќе прикажеме добра игра против шампионот“, вели искусниот голман за Спортска Мрежа.
Натпреварот меѓу Младост и Вардар се игра во салата „Млаз“ во Богданци, сабота од 18 часот.
