Денес беше комплетирано првото коло на Трета лига регион 5 откако вчера беше отворено со еден меч.
Тимот на Кравари ја имаше највисоката победа откако со неверојатни 9:2 славеше над ланскиот шампион на Трета лига – Југозапад, Влазними од Струга на домашен терен.
Хакан Алимовски и Иве Трифуновски беа стрелци на по три гола, а по еден гол постигнаа Стефан Каревски, Сатни Сефедин и Божидар Гогачевски. За гостинот двоен стрелец беше Аљтин Лога.
Ланскиот второлигаш Преспа доживеа тежок пораз на домашен терен, откако во Ресен тимот на Чардак од Велгошти славеше победа 0:4. За гостинот стрелци беа Валентин Блажески кој погоди во 44. минута за водство од 0:1 на полувреме. Во вториот дел Христијан Речковски погоди за двојна предност, а со два гола на Антонио Ќитаноски, тимот од охридско Велгошти имаше 0:4.
Света Троица забележа победа од 4:0 во дуелот со Напредок од Ношпал, во меч каде хет-трик постигна Никола Угриноски, а стрелец на еден гол беше Никола Миткоски.
Екс второлигашот Караорман со 5:3 триумфираше на домашен терен над Могила со што трите бодови останаа во Струга. Домаќинот на полувреме имаше три гола предност откако Давид Спасески, Ненад Балоски и Ангел Крстески беа стрелци на погодоците за голема предност на полувреме.
Во вториот дел погодија и Давид Карамачоски и Насер Доко, а пак за гостинот двапати погоди Бојан Кантаровски, а еднаш Андреј Петровски.
Битолско реми за делба на бодовите меѓу Баир Спорт и Крошу Спорт откако двете екипи одиграа 2:2. Александар Ѓорѓиевски во 15. минута донесе предност за гостинот, а по четири минути домаќинот преку Рафаел Османов израмни на 1:1.
Во второто полувреме Баир Спорт имаше и предност преку голот на Игор Талевски во 50. минута, но радоста на домаќините ја украде Дарко Ѓуровски во 89. минута за конечни 1:1.
Колото беше отворено вчера со победата на кичевски Напредок над Демир Хисар, извештајот на Спортска Мрежа за овој меч можете да го прочитате овде.
