Екипата на Крива Паланка е есенски шампион во Првата А кошаркарска лига на Македонија, откако кошаркарките доминираа на теренот на секој натпревар забележувајќи огромни победи, а најголема победа е онаа над актуелниот шампион Баскет Кам со резултат од 70:54.
Кошаркарките на Крива Паланка во првото коло во Делчево го декласираа Патриот со 86:112, а веќе во второто коло на домашен терен со 117:45 беа пресилни за тимот на Пробаскет од Кавадарци.
Во третото коло следуваше неизвесен и тежок меч, откако Крива Паланка со 96:98 однесе победа над Вардар на гостински терен, а во 4. коло Крива Паланка беше слободна.
Во рамки на 5. коло Крива Паланка ја забележа најголемата победа, можеби резултска не, но победата беше над актуелниот шампион Баскет Кам од Македонска Каменица со 70:54, а пак во следното коло односно 6. коло следуваше победа над МЗТ Скопје Аеродром со 68:104, ап ак во 7. коло Крива Паланка со 101:72 го декласираше Бадел за успешна есенска полусезона.
- ЦЕЛА ТАБЕЛА ОД ПРВАТА ЖЕНСКА КОШАРКАРСКА ЛИГА:
| # | Тим | ОН | Поб | Пор | КД | КП | КР | Бод |
|---|---|---|---|---|---|---|---|---|
| 1 | Крива Паланка | 6 | 6 | 0 | 602 | 421 | 181 | 12 |
| 2 | Баскет Кам 2011 | 6 | 5 | 1 | 466 | 338 | 128 | 11 |
| 3 | ЖКК Бадел 1862 | 6 | 4 | 2 | 431 | 405 | 26 | 10 |
| 4 | ЖКК Вардар | 6 | 3 | 3 | 437 | 402 | 35 | 9 |
| 5 | Патриот 2016 | 6 | 2 | 4 | 403 | 473 | -70 | 8 |
| 6 | ЖКК МЗТ Скопје Аеродром | 6 | 1 | 5 | 384 | 456 | -72 | 7 |
| 7 | Пробаскет Кавадарци | 6 | 0 | 6 | 305 | 533 | -228 | 6 |
