Познати се финалистите на Меморијалниот турнир „Алмир Ибески – Алмо 2026“, кој се одржува во прилепското село Дебреште. Полуфиналните пресметки донесоа интересни и ефикасни натпревари, по кои се комплетираше завршницата на турнирот.
Во првото полуфинале, БХС Груп Саждево со 4:3 славеше над Лисичани во натпревар со дури седум погодоци и обезбеди место во големото финале.
Втората финална виза ја освои Пилана Жарко, која со минимални 2:1 беше подобра од Сталоне Теута Саждево.
Така, во борбата за трофејот ќе се соочат БХС Груп Саждево и Пилана Жарко, додека Лисичани и Сталоне Теута Саждево ќе играат за третото место.
Програмата за завршниот ден предвидува прво да се одигра натпреварот за третото место, кој е закажан за 20:00 часот, додека големото финале ќе започне од 21:00 часот.
Спортска Мрежа е медиумски покровител на „Алмир Ибески – Алмо 2026“ и продолжува да ја следи завршницата на овој спортски настан во Дебреште.
