По три одиграни кола во Втората македонска фудбалска лига најдобар стрелец е фудбалерот на Кожуф, Дарко Гроздановски, кој на три натпревари постигна шест погодоци. Гроздановски двапати стрелаше против Вардарски во дербито на Југот во Богданци, додека пак четири погодоци постигна против Осогово.
Симеон Христов, фудбалерот на ланскиот прволигаш Македонија ЃП е втор на листата на стрелци со пет погодоци. Христов постигнат хет-трик против Победа, а по еден гол постигна против Охрид и Башкими.
На листата на стрелци пет фудбалери имаат постигнато по три погодоци. Илија Баламов од Вардарски, Димче Јовев од Беласица, Христијан Кировски од Скопје, Тони Мичковски од Каменица Саса и Аљбин Рамадани од Арсими.
По два погодоци имаат Леонтин Бајрами од Арсими, Крсте Велкоски од Македонија ЃП, Иван Глигоров од Брегалница, Хусеин Демири од Башкими, Филип Димоски од Охрид, ПЕтар Најдов од екипата на Вардар Неготино, Никола Талески од Победа и Иве Трифуновски од Новаци.
Со по еден гол на листата на стрелци се запишаа 35 фудбалери. По три одиграни кола беше постигнат и еден автогол. Павле Петров од Борец си постигна автогол.
Александар Ванев, Спортска Мрежа
