Повратникот во Супер лигата, Младост од Богданци започна со одигрување на пријателски натпревари за проверката на формата пред стартот на новата сезона во ракометната елита на Македонија.
Денес тимот од Богданци одигра пријателски натпревар против Куманово, кој го загуби со 30:24, но резултатот оди во втор план, бидејќи стручниот штаб ја проверуваше формата на играчи и ротираше со цел да види со што располага за новата сезона.
Покрај овој пријателски натпревар пред Младост следува и настапот на турнирот „Миле Нешковски“ во Прилеп, каде на 21 август ќе го одигра првиот меч против домаќинот Прилеп, вториот меч е ден подоцна против Мулти Есенс, а пак на 23 август ќе биде натпреварот за пласман.
За 27 август во Богданци е закажан возвратниот пријателски натпревар против Куманово.
Низ овие натпревари стратегот Горан Андоновски ќе има увид во подигањето на формата и со какви сили ќе биде Младост пред стартот на новата сезона.
