Камјани беше блиску до сензација и деби победа во Втората македонска фудбалска лига, откако одигра 1:1 против Пелистер во Битола во фудбалски амбиент во вечерен термин, меч со кој се затвори првата рунда.
Дебитантот во второлигашката конкуренција преку искусниот Љупчо Трпески дојде до водство од 0:1 за отварање на резултатот, Охриѓанецот погоди против својот поранешен клуб. Со минимална предност Камјани замина на полувреме.
Во вториот дел Пелистер се обидуваше да дојде до брз гол за израмнување, а потоа и да се обиде да направи пресврт. Погодокот беше постигна од белата точка откако новото засилување Мартин Мирчевски погоди 86. минута за 1:1.
До крајот и двете екипи бараа начин како до гол за триумф, но сепак конечниот исход на „Петар Милошевски“ беше дел на бодовите.
За Камјани ова е прв историски бод како второлигаш, а Пелистер како главен фаворит за враќање во елитата со реми ја започна новата сезона.
Во следното коло Пелистер одново ќе игра на домашен терен против Брера Струмица – дуел на два лански прволигаши, а пак Камјани на домашен терен ќе бара прва победа против Осогово, кој со пораз во Струмица од Беласица (1:0) ја започна новата сезона во ВМФЛ.
Извештајот на Спортска Мрежа од вчерашните натпревари можете да го прочитате овде.
