Прволигашот Вардар за новата сезона во Првата женска фудбалска лига се засили со Лина Луканова, 18-годишна фудбалерка која доаѓа од редовите на струшки Ас Јунајтед.
Станува збор за млада и талентирана фудбалерка која својата кариера ја започна во Билјанини Извори. За младата фудбалерка од Охрид ова ќе биде нов предизвик и можност за напредок.
Како што објави Спортска Мрежа, Вардар претходно се засили со Викторија Недева, Андреа Алексоска, Фросина Спирова, Ева Величковска, Настасја Накова, Меланија Грозданова, а беше продолжен договорот со Јулија Живиќ.
