Пред Брегалница е тежок предизвик, најтешкиот во сезоната. Гостува на тетовска Шкендија во 3. коло во ПМФЛ. Во вечерен термин на ТЦ „Петар Милошевски“, штипјани ќе се обидат да направи изненадување.
После триумфот над Арсими, самодовербата во екипата е на високо ниво, атмосферата исто така, во очекување на добар настап и добар резултат и од овој натпревар.
„Очекувам тежок натпревар против екипа која има високи амбиции. Ќе дадеме максимум од првата до последната минута и се надевам дека тоа ќе биде доволно за позитивен резултат. Знаеме каков квалитет има Шкендија и ја почитуваме, но и ние имаме свои квалитети. Натпреварите против фаворитите се најголем мотив за секој фудбалер. Верувам во тимот и мислам дела може да одиграме рамноправен натпревар. Мора да бидиме дисиплинирани и компакни како тим да ги исполниме задачите што ќе ги постави тренерот и да бидеме максимално концентрирани на текот на целиот натпревар. Атмосферата во тимот е одлична. Победата против Арсими ни даде самодоверба и мотив за продолжение на сезоната“, изјави Ристе Темелков.
