Македонскиот второлигаш Новаци одигра меѓународен контролен натпревар за проверка на формата против албанскиот второлигаш Орику, кој заврши со триумф од 2:1 за тимот кој го предводи Иван Варадиновски.
Натпреварот се играше на стадионот во Новаци, а по првите 45 минути резултатот беше 0:1 за тимот од Албанија.
Во вториот дел Новаци го сврте резултатот на конечни 2:1, а заслужни за победата беа Талески и Стојановски за триумф на Новаци.
Новата сезона во Втората лига Новаци ја отвара против Охрид на СРЦ „Билјанини Извори“.
