Екипата на Големо Коњари е есенски шампион во Третата македонска фудбалска лига – Југ, со 28 бодови на своето конто и учунок од девет победи, едно реми и два порази.
Всушност Големо Коњари и минатата сезона беше есенски шампион, но во пролетниот дел Борец успеа да надокнади и да стане шампион и преку баражот се врати во Втора лига.
Големо Коњари го има најдобриот напад со 32 гола, а примени пет со што ја има најдобрата одбрана.
На второто место заврши новајлијата Башкими 2008 со 25 бодови на своето конто, преку седум победи, четири ремија и само еден пораз, а пак на третото место заврши Превалец со 24 бодови и учинок од седум победи, три ремија и два порази.
- ЦЕЛА ТАБЕЛА ОД ТРЕТА ЛИГА – ЈУГ:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ГОЛЕМО КОЊАРИ | 12 | 9 | 1 | 2 | 32 | 5 | +27 | 28 |
| 2 | ФК БАШКИМИ 2008 | 12 | 7 | 4 | 1 | 25 | 10 | +15 | 25 |
| 3 | ФК ПРЕВАЛЕЦ | 12 | 7 | 3 | 2 | 24 | 11 | +13 | 24 |
| 4 | ФК УЛТРАС | 12 | 6 | 2 | 4 | 34 | 25 | +9 | 20 |
| 5 | ФК МЛАДОСТ 1930 | 12 | 6 | 2 | 4 | 21 | 13 | +8 | 20 |
| 6 | ФК РОСОМАН-83 | 12 | 6 | 2 | 4 | 20 | 16 | +4 | 20 |
| 7 | ФК ВЕНЕЦ с.Долни Дисан | 12 | 5 | 3 | 4 | 22 | 15 | +7 | 18 |
| 8 | ФК ПИТУ ГУЛИ | 12 | 4 | 4 | 4 | 14 | 12 | +2 | 16 |
| 9 | ФК Бучин | 12 | 4 | 4 | 4 | 16 | 19 | -3 | 16 |
| 10 | ФК ДРЕНОВО 2016 | 12 | 2 | 5 | 5 | 16 | 23 | -7 | 11 |
| 11 | ФК Влазними Јуниор | 12 | 3 | 1 | 8 | 18 | 36 | -18 | 10 |
| 12 | ФК СЛОГА 1976 | 12 | 2 | 1 | 9 | 13 | 39 | -26 | 7 |
| 13 | ФК ОБРШАНИ | 12 | 1 | 0 | 11 | 8 | 39 | -31 | 3 |
| 14 | ФК МАРЕНА | 0 | 0 | 0 | 0 | 0 | 0 | 0 | 0 |
Како што веќе информираше Спортска Мрежа екипата на Превалец најавува амбиции за атак на првото место во пролетниот дел и со тоа освојување на баражот кој води кон можен пласман во Втората македонска фудбалска лига.
Ќе биде супер интересна и неизвесна сезона, дали ќе видиме сезона во која одново есенскиот шампион Големо Коњари ќе ја загуби пролетната борба или пак во оваа сезона Големо Коњари ќе ја освои таа борба за фудбалските терени и да заигра во баражот за можен пласман во Втората лига.
Сепак есенскиот дел во Трета лига – Југ беше одбележан со откажување на две екипи. Марена воопшто и не започна со натпреварување, а Обршани се откажа во текот на натпреварување со што од 14 екипи Трета лига – Југ сега брои 12 екипи.
Во секое коло по две слободни екипи, полусезона каде што имаше доста прекинати натпревари, нападнат главен судија на меч, барање на утврдување на идентификација на играчи, есенска полусезона каде многу натпревари заврши со службени резултати.
Пролетниот дел од Трета лига – Југ ќе започне со натпревари од 14. коло.
