Прволигашот Вардар кој минатата сезона беше дебитант во Првата женска фудбалска лига годинава е решен да гради тим кој ќе има високи дострели, а ако се погледнат имињата кои доаѓаат во скопскиот тим тогаш дефинитивно „вардарки“ ќе атакуваат на висок пласман и ќе направат „проблеми“ за титулата или можеби и директно ќе се вклучат во трката по истата.
Вардар се засили со репрезентативката Меланија Грозданова, фудбалерка за која интерес имаше од повеќе европски гиганти меѓу кои и Јувентус. Со Грозданова тимот на Вардар добива голем квалитет, доаѓа од редовите на Љуботен, а низ кариерата 17-годишната фудбалерка беше дел од Истатов, Скопје и Кул Здравје од каде и ја започна кариерата.
Во пакет од Љуботен со Грозданова доаѓа и Настасја Накова, која има 18 години и го носи дресот на репрезентацијата на Македонија.
Во минатото беше дел од Скопје, Цевитана и Тиверија Брера од каде и ја започна кариерата.
Ева Величкова е 17 годишна фудбалерка која исто така доаѓа од Љуботен во Вардар, се работи за фудбалерка која во минатото беше дел од Скопје и Џи-Џи од каде и ја започна кариерата, а исто така е дел од репрезентацијата на Македонија.
Дополнително покрај овие три засилување кои Вардар ги ангажираше од поранешниот шампион од Тетово, ја продолжи соработката со Јулија Живиќ.
25-годишната фудбалерка од Куманово во Вардар пристигна од Љуботен во јануари 2025 година, а претходно настапуваше за Шкендија, Љуботен, Скопје и Борец од каде ја започна кариерата, а пак меѓународна кариера градеше во Хрватска каде настапуваше за Ријека и на Кипар, каде го носеше дресот на Неа Саламина Фамагуста.
Минатата сезона Вардар беше дебитант во Првата женска фудбалска лига и заврши на седмото место со ефект од 6 победи, шест ремија и 15 бодови за 24 бодови. Но, за новата сезона „вардарки“ дефинитивно ќе целат кон висок пласман.
