Македонскиот тенисер Обрад Марковски заедно со српскиот тенисер Марко Милосављевиќ го освоија трофејот во конкуренција на двојки на ИТФ М15 турнирот во Куршумлијска Бања. За Марковски ова е трето финале во двојки оваа сезона и втора освоена титула.
Македонско-српската комбинација до трофејот стигна со четири убедливи победи. Во првото коло беа подобри од Италијанците Леандро Катанео и Матиас Пиасну со 2-0 во сетови (6:3, 6:1), а во четвртфиналето ги елиминираа третите носители, Себастијано Кокола и Лоренцо Комино, исто така со максимални 2-0 (7:5, 6:2).
Во полуфиналето Марковски и Милосављевиќ ги совладаа Холанѓаните Џулиус Булт и Елгин Коблал со 6:3 и 6:4, додека во финалето беа подобри од вторите носители, Никита Белозерцев од Узбекистан и Иван Грецки од Русија, победувајќи со 7:5 и 6:2.
Ова е втора титула за Марковски во двојки во текот на 2026 година, откако претходно триумфираше на ИТФ турнирот во Скопје во тандем со Горазд Србљак.
Интересно е што Марковски и минатата година играше финале во Куршумлијска Бања, тогаш во двојка со Никола Јовиќ од Србија, додека својата прва ИТФ титула во конкуренција на двојки ја освои во 2024 година, повторно во Куршумлијска Бања, заедно со Стефан Латиновиќ.
