Еурофарм Пелистер ќе влезе во новата сезона без едно од своите најискусни крила. Поранешниот македонски репрезентативец Дејан Манасков и битолскиот клуб нема да ја продолжат соработката, па по три сезони минати во зелено-белиот дрес, нивните патишта се разделуваат.
Манасков беше еден од најстандардните и најзабележителните ракометари во составот на Еурофарм Пелистер во изминатата сезона, но двете страни не успеаја да се договорат за продолжување на договорот. Искусното лево крило сега ќе биде во потрага по нов клуб за продолжување на кариерата.
Со неговото заминување, битолскиот тим на левата крилна позиција ќе смета на Цветан Кузманоски и Петар Атанасијевиќ, кои ќе ја носат конкуренцијата во претстојната сезона.
Манасков зад себе има богата и успешна кариера. На домашната сцена ги бранеше боите на Вардар, Металург и Еурофарм Пелистер, додека во странство настапуваше за германските Рајн Некар Левен и Вецлар, како и за унгарскиот великан Веспрем.
