Второлигашите Кожуф и Новаци одиграа пријателски натпревар кој заврши со минимална победа за тимот од Гевгелија (1:0).
Единствен стрелец на погодокот кој го реши победникот на овој пријателски натпревар беше Давид Ашовалиев кој погоди во 65. минута од мечот.
Тренерите на двете екипи Благој Дуганов и Иван Варадиновски комбинираа и им дадоа шанса на сите фудбалери со кои располагаат во моментот со цел да ја проверат формата, воедно комбинираа и разни варијанти на самиот меч.
Инаку, Варадиновски минатата сезона беше шеф на стручниот штаб на Кожуф.
Пред двете екипи следува период на подготовки и одигрување на пријателски натпревари.
