Ракометниот клуб Струга и следната сезона ќе се натпреварува во Супер лигата, иако клубот испадна губејќи во баражот од Младост од Богданци.
Стружани имаа среќа да останат во елитата, откако Пролет се откажа од натпреварување во Супер лигата и пријави учество во Првата ракометна лига, па отвореното слободно место го пополни Струга.
Стружани сега се фокусирање на креирани на тим за следната сезона, кој ќе биде конкурентен со цел да не се дозволи одново сезона во која ќе се брка тежок опстанок.
Струга засега е засилена со Мартин Јовановски на голманската позиција, левиот бек Христијан Крстаноски и десниот бек Пеце Рајатоски, а според информации на Спортска Мрежа се работи активно на ангажирање на нови засилувања.
Клубот остана без Филип Мечкароски кој се пресели во Куманово заедно со Наум Костов, а пак Војо Клењоски замина во Мулти Есенс.
Струга на тренерската позиција ќе го има Божидар Мојсов.
