Второлигашот Осогово од Кочани има ново засилување, според информациите на Спортска Мрежа нов играч е Ерион Шуку.
Се работи за играчи кој може да игра на повеќе позиции во нападот, како напаѓач, но и како лево крило со што ќе биде избор за стратегот Крсте Крстев.
22-годишникот доаѓа од редовите на Беласица каде настапуваше во пролетниот дел од минатата сезона, а претходно беше дел од Шкупи, Скопје, Арсими и Слога Виница. Шуку има и прволигашко искуство со 12 настапи каде постигна и три погодоци.
Новата сезона Осогово ја отвара против Беласица во Струмица.
