Третолигашот Ржаничино го промовираше Андреј Данстак за нов чувар на мрежата, со што продолжува тимот да се екипира за новата сезона во Трета лига регион 1.
Станува збор за 21-годишен талентиран голман, кој треба да донесе стабилност на голот на Ржаничино, а кариерата Данстак ја има започнато во школата на Вардар а минатата сезона беше дел од шампионот на Трета лига – Север, Еуромилк ГЛ.
„Сериозен проект се гради со јасна стратегија и правилен избор на луѓе. Визијата на клубот за избор на голман кој содржи младост, шампионски дух, континуиран тренинг и огромна желба за напредок, целосно се совпаѓа со изборот на Андреј Данстак. Станува збор за 21-годишен,исклучително млад и перспективен голман со фантастично педигре. Андреј е синоним за професионализам- неговиот карактер и амбиции се токму она што му е потребно на нашиот тим. Со него како главна алка на голот, нашиот „дрим-тим“ добива сигурност со која борбата за самиот врв е загарантирана“, велат од клубот.
