Прволигашот Беса од Добри Дол кој е дебитант во Првата македонска фудбалска лига започна со реконструкција во тимот за пролетната полусезона во која тимот ќе сака да го обезбеди опстанокот.
Тимот во пролетниот дел ќе го води Бобан Бабунски кој ќе биде нов тренер на Беса, а тој ќе биде дури трет кормилар во тековната сезона, откако истата ја започна Александар Таневски, тренерот кој ја внесе Беса во Прва лига, кратко дојде Берат Имери, а сега на тренерското столче седнува Бабунски.
Беса се раздели со пет фудбалери односно со Малиќ Бељули, Илирид Адеми, Емир Скендери, Филип Алексовски и со Генц Гаши. Веќе тимот работи на ангажман на нови засилувања со кои ќе се подига квалитетот за пролетниот дел, во кој Беса ќе атакува на директен и сигурен опстанок.
Беса есенскиот дел го заврши на десеттото место или во бараж зоната со 13 бодови, а пролетниот дел го отвара против Воска Спорт во Охрид.
