Од вечерва започнува четвртфиналната фаза на турнирот во мал фудбал „Петровден 2026“ кој се игра во Мешеишта.
Вечерната програма нуди два натпревари, а возбудувањата започнуваат во 21 часот со натпреварот меѓу АСП Пак и Аце Најдески, а еден час подоцна Златара Бени Ерол ќе се соочи со Чардак Велгошти.
Утре ќе има нови два натпревари во ист термин. Од 21 часот Хотел и Спа Инекс Олгица против Охридски Бисер Филеви, а од 22 часот Сатеска на мегдан против Др. Баткоски.
Спортска Мрежа и годинава е медиумски покровител на овој турнир, кој го има своето 51. издание.
