Младите фудбалери на Фудбалската академија Христов од Василево беа примени од градоначалникот на Општина Василево, Славе Андонов, по повод освоеното второ место на престижниот турнир Охрид Куп, како и второто место на Рударскиот куп во Македонска Каменица.
По тој повод, градоначалникот Андонов истакна дека ова е голем успех не само за клубот тука за целата општина.
„Фудбалерите на Академија Христов од Василево денес беа мои драги гости, по повод освоеното второ место на Охрид Купот и Рударскиот куп во Македонска Каменица. Овој успех е гордост не само за клубот, туку и за цела Општина Василево. Радоста од освоените признанија е заедничка, а посветеноста, трудот и тимскиот дух на младите фудбалери заслужуваат искрени честитки. Општина Василево и понатаму ќе биде силен поддржувач на младите спортисти, нивниот развој и нивните идни успеси. Честитки за играчите, тренерите и сите што придонесуваат за овие прекрасни резултати!“
Фудбалската академија Христов претставува вистински фудбалски симбол на Општина Василево и е препознатлива како расадник на млади фудбалски таленти од оваа општина. Со континуирана работа, стручен пристап и настапи на домашни и меѓународни турнири, академијата успешно ги развива младите фудбалери, кои со своите резултати достојно ги претставуваат Василево и македонскиот фудбал.
