Искусниот фудбалер Енис Дервиши кариерата ќе ја продолжи во нова средина, откако реши да се раздели со Шкендија Арачиново, по истекот на договорот, двете страни не успеале да се договорат околу финансиските услови со цел да може да се продолжи соработката.
Десниот бек беше еден од најзаслужните играчи што Шкендија Арачиново обезбеди историски пласман во Првата македонска фудбалска лига.
„Горд сум што токму мојот пенал го однесе ФК Шкендија Арачиново во Првата лига, а уште посреќен што успеав да го повторам успехот што претходно го постигнав со Гостивар – двапати шампион. Мојот договор заврши и, по многу разговори околу финансиските услови, не успеавме да постигнеме договор. Време е да кажам благодарам. Голема благодарност до клубот, стручниот штаб, Берат Имери, моите соиграчи и навивачите за секој момент, секој предизвик и секој спомен што ги создадовме заедно. Секогаш го давав својот максимум на теренот и горд сум што го носев црвено-црниот дрес. Му посакувам на клубот многу успеси во иднина“, вели Дервиши.
28-годишниот фудбалер покрај за екипата од Арачиново настапуваше и за Тетекс, Гостивар, Воска СПорт, Работнички, и тетовска Шкендија.
Дервиши е поранешен младински репрезентативец на Македонија.
