Вечерва беа одиграни три натпревари на турнирот во мал фудбал „Петровден“ во Мешеишта, а на кои мечеви беа забележани многу погодоци, атрактивни натпревари и неизвесни моменти.
Гранит Х вечерва имаше доминантен меч против Гостилница кај Мече со триумф од 2:5 во групата Е.
Во рамки на групата Е исто така беше одигран уште еден меч кој овој пат екипата на Гостилница кај Мече славеше со 2:1 над Студио 13 од Ресен.
Во третиот меч имаше голема драма откако во регуларниот дел Сатеска и Златара Бени Ерол одиграа 1:1, а во ударите од белата точка подобра беше златарата за триумф од 2:3 во пенал рулетот, меч од групата F.
Веќе утре на програмата се нови три натпревари. Во првиот меч ќе се судрат АСП Пак и Топлина во рамки на групата А, а стартот е во 20:30 часот.
Еден час подоцна од истата група се игра мечот меѓу Кафе бар Слобода од Кичево против Пејачката Софче Македонија.
Во рамки на групата H од 22:30 часот ќе се соочат Киоск кај Бироно против Етно ресторан Дедо Димо.
Спортска Мрежа и годинава е медиумски покровител на овој спортски настан.
