Новиот прволигаш Шкендија Арачиново продолжува со засилувањата во пресрет на историската сезона во Првата македонска фудбалска лига. Најново име во редовите на клубот е напаѓачот Дашмир Елези, кој ќе го засили офанзивниот дел од тимот.
Од таборот на Шкендија Арачиново веруваат дека Елези ќе претставува значајно засилување и дека со своите квалитети ќе донесе дополнителна сила во нападот.
„Со задоволство ве известуваме дека Дашмир Елези е најновото засилување на нашиот тим! Напаѓач со голгетерски инстинкт, енергија и голема желба за успех, подготвен да го даде максимумот во црвено-црниот дрес. Веруваме дека Дашмир ќе биде силно оружје во офанзивниот дел од тимот и ќе им донесе многу радости на нашите навивачи“, велат од клубот.
Шкендија Арачиново ова лето се подготвува за најголемиот предизвик во својата историја – дебитантски настап во Првата македонска фудбалска лига. Клубот обезбеди историски пласман во елитното друштво откако во бараж натпреварот го совлада Пелистер и го завери своето место меѓу најдобрите македонски екипи.
Успехот на клубот е уште повреден ако се земе предвид фактот дека Шкендија Арачиново пред само две сезони се натпреваруваше во Третата лига – Север, а денес е дел од највисокиот ранг на македонскиот фудбал.
Со ангажманот на Дашмир Елези, амбициозниот прволигаш испраќа јасна порака дека има сериозни намери и дека сака конкурентно да се претстави во својата прва сезона во елитното македонско фудбалско друштво.
