Тоа што го најави ексклузивно Спортска Мрежа во текот на вчерашниот ден, денес Управниот одбор на Фудбалската карта на Македонија го потврди, познат е изгледно на Третата македонска фудбалска лига односно на сите шест региони.
Од сезона 2026/2027 ќе има шест региони еден повеќе во однос на претходните сезони кога беа активни пет региони.
Шампионите на шесте региони ќе играат меѓусебно бараж за влез во Втора лига, а баражите за опстанок во Втора лига во кои второлигаши играа против третолигаши стануваат минато.
„Во насока на унапредување на организацијата на македонскиот фудбал, Управниот одбор го усвои и предлог системот на ФФМ за уредување на организацијата и структурата на натпреварувањата на национално и регионално ниво во сениорскиот фудбал. Согласно усвоениот предлог, територијалната поделба на Фудбалската федерација на Македонија ќе биде организирана во шест региони“, велат од ФФМ
Регион 1: Ги опфаќа општините: Аеродром, Бутел, Гази Баба, Кисела Вода, Ѓорче Петров, Чаир, Карпош, Центар, Шуто Оризари, Чучер Сандево, Арачиново, Илинден, Петровец, Зелениково, Сопиште, Студеничани и Сарај.
Регион 2: Ги опфаќа општините: Липково, Куманово, Старо Нагоричане, Ранковце, Крива Паланка, Кратово.
Регион 3: Ги опфаќа општините: Кочани, Македонска Каменица, Свети Николе, Лозово, Делчево, Пехчево, Берово, Ново Село, Босилово, Василево, Конче, Струмица, Радовиш, Штип, Карбинци, Чешиново-Облешево, Зрновци, Виница, Валандово, Гевгелија, Дојран, Богданци и Пробиштип.
Регион 4: Ги опфаќа општините: Велес, Градско, Неготино, Демир Капија, Кавадарци, Прилеп, Долнени, Чашка, Росоман, Крушево и Кривогаштани.
Регион 5: Ги опфаќа општините: Битола, Ресен, Охрид, Струга, Вевчани, Дебарца, Кичево, Пласница, Македонски Брод, Могила, Демир Хисар и Новаци.
Регион 6: Ги опфаќа општините: Јегуновце, Теарце, Тетово, Желино, Брвеница, Боговиње, Врапчиште, Гостивар, Маврово и Ростуше, Дебар и Центар Жупа.
Иако првично беше најавено дека Свети Николе ќе биде во регионот 2 односно во Северниот дел, сепак останува во регионот 3 односно во Истокот, со што ФК Овче Поле ќе се натпреварува во Трета лига – Исток како и до сега.
