Македонскиот репрезентативец Бојан Димоски е нов фудбалер на Шкендија. Прволигашот доби големо засилување во пресрет на новата сезона, откако 24-годишниот фудбалер стави потпис на договор со тетовскиот клуб.
Димоски зад себе има богата интернационална кариера и важи за еден од најдобрите македонски фудбалери на својата позиција. Во домашното првенство настапуваше за Тетекс, Вардар и Брера, каде што со своите игри го привлече вниманието на клубовите од странство.
Неговата интернационална авантура започна во рускиот Акрон Тољати, по што го носеше дресот на српските гиганти Партизан и ТСЦ Бачка Топола. Со своето искуство стекнато во силни лиги и редовните настапи за македонската репрезентација, Димоски ќе претставува значајно засилување за Шкендија во борбата за домашните трофеи и настапите на европската сцена.
Во таборот на тетовци веруваат дека неговиот квалитет, искуство и победнички менталитет ќе донесат дополнителна стабилност и сигурност во тимот.
