Денес беше комплетирано елиминациското коло од футсал Купот на Македонија. Како што веќе информираше Спортска Мрежа Партизан Југ прв обезбеди следна фаза откако го совлада Сее Университи со 4:9.
Вчера Победа и Конзули во Битола одиграа 7:7 во регуларниот дел, па победникот се решаваше преку пенал рулетот каде подобри со 3:2 беа прилепчани.
Крајоски постигна хет-трик за Победа, Османоски беше двоен стрелец, а по еден гол постигнаа Митриќески и Каришик, додека пак за КОнзули хет-трик постигна Веизовски, Јовановски беше двоен стрелец, а по еден гол постигнаа Гелевски и Гиновски.
Ланскиот прволигаш Овче Поле преку пенали беше елиминиран од Мал Ајакс, откако двете екипи одиграа 3:3. Иван Наунов беше двоен стрелец за тимот од Свети Николе, а Лука Наумов беше стрелец на еден гол, додека пак за тимот од Штп Наков беше двоен стрелец, а Дурмишов стрелец на еден гол.
Во пенал серијата беше 4:5 за штипскиот тим,а во пенал серијата за Овче Поле годија Икица Јованов, Дамјан Благоевски, Давид Бојковски, Иван Наунов, а не реализираа Јорданче Јорданов и Никола Арсов, за штипјани реализираа Слободановски, Синанов, Наков, Трајанов и Дурмишов, а пак Тошев и Стојанов не реализираа.
Денес Кратово се радуваше на следна фаза од Купот откако со 2:4 славеше над ланскиот прволигаш Карадаку во Липково.
Салим Реџепи и Арбен Ајредини беа стрелеци за Карадаку, а пак за Кратово стрелци беа Димитар Стојановски, Никола Стојчевски, Михаил Спасовски и Давид Стојановски.
Балкан со 9:5 слави висока победа над Каршиака и со тоа патува во следната фаза од Купот.
Ибрахим Алији беше најдобар стрелец за Балкан со пет погодоци, Кадар Амза постигна два гола, а по еден гол постигнаа Пајтим Реџепи и Енис Реџеп, за екипата на Каришиака стрелци беа Мемеди, Асани, Адеми, Куртиши и Зендели.
