Шкендија Арачиново е есенски шампион во Трета лига – Север, откако вчера со 6:1 славеше над Аеродром во воведниот меч за што веќе информираше Спортска Мрежа.
БВК Коњаре денес со 4:2 славеше на Башкими Љуботен и со триумф го затвори есенскиот дел. Бишевац, Јусуфи и Бузаки погодија за 3:0 на полувреме. Во вториот дел гостинот преку Курти и Јусуфи намали на 3:2 и ја врати неизвесноста за бодови, но Сами Аљиљи со гол во 88. минута ги реши сите дилеми за победа на БВК Коњаре од 4:2.
Куманово на домашен терен загуби од Њу Старс со 2:3 со што новајлијата во лигата забележа важна победа во борбата за бегство од опасната зона. Мартин Ацески со два гола во првиот дел обезбеди предност од два гола за гостинот, а во вториот дел брзо Куманово ја стопи предноста и израмни на 2:2 преку Златковски и Шерифи. Во 77. минута Блажески постигна победнички гол за конечни 2:3.
Натпреварот меѓу Пчиња и Академија Илинден не го дочека својот крај, откако истиот беше прекинат во 32. минута бидејќи гостинската екипа остана со шест играчи.
Натпреварот беше прекина на резултат од 4:0, а хет-трик постигна Христијан Стојечвски, а еден гол Михаил Цветковски.
Екс прволигашот Еуромилк ГЛ со 3:1 славеше победа над Беса Влазими со што домаќинот со позитивен резултат ја затвара 2024 година.
Ферди Исмаиловски со два гола обезбеди 2:0 на полувреме, а во вториот дел Ахмед Бакијов погоди за 3:0. Во 60. минута Фатон Нуредини ги постави конечните 3:1.
Риниа направи изненадување против фаворитот Фортуна и забележа победа од 3:2. Арифи беше двоен стрелец за домашниот тим, а Демировски беше стрелец на еден гол, за гостинот најдобриот стрелец Орхан Мифтар и Мирхат Емини беа стрелци.
Поранешниот второлигаш Кадино со 4:2 славеше на домашен терен против дебитантот Ржаничино. На полувреме беше 1:2 откако Стојановски погоди за водство на гостинот, а Попоски израмни на 1:1. Во 35. минута голгетерот Мартин Лазев постигна гол за 1:2.
Во вториот дел Станковски израмни на 2:2, а Виктор Бошковски со два гола ги постави конечните 4:2.
