Второлигашот Детонит Плачковица во следната сезона нема да може да смета на услугите на искусниот Сашо Дуков, кој реши да менува средина и во новата сезона да настапува за друг клуб.
Дуков во радовишкиот тим пристигна од Кожуф и беше најдобар стрелец за Детонит Плачковица со постигнати 14 погодоци за радовишани.
Дуков е искусен голгетер кој изминатите сезони е меѓу најдобрите стрелци во лигата, а пред две сезони беше најдобар стрелец за Кожуф, а пак претходно на Каменица Саса и благодарение на него „рударите“ го изборија опстанокот.
Пред две сезони Дуков постигна 14 погодоци откако искомбинира дел во дресот на Охрид во есенскиот дел и дел за Кожуф во пролетниот де..
Низ својата кариера искусниот фудбалер покрај за Кожуф, Охрид, Каменица Саса има настапувано и за Силекс, Пелистер, Росоман, Вардар Неготино, Тиквеш, кичевски Напредок, а меѓународна кариера градеше во Београд.
Интерес за Дуков веќе се јавува од неколку екипи, па останува да видиме каде фудбалерот од Росоман ќе ја продолжи својата кариера.
