Искусниот Љупче Трпески и новиот прволигаш Шкендија Арачиново се разделија, со што фудбалерот од Охрид ќе има нов предизвик во кариерата.
Трпески е дел од две златни генерации на Шкендија Арачиново, еден од најзаслужните во историјата на клубот кој дојде уште кога клубот беше дел од Трета лига – Север, стана шампион во третолигашката конкуренција и обезбеди влез со клубот во Втора лига, а минатата сезона беше одново меѓу најзаслужните и обезбеди историски влез со Шкендија Арачиново во Прва лига.
31-годишнипот Трпески во својата кариера има настапувано за Воска Спорт, Охрид, Кораб, Струга Трим Лум, Царев Двор и Пелистер.
Трпески беше важен играч во тимот на Шкендија Арачиново, вистински лидер кој ги собра симпатиите на навивачите на новиот второлигаш, но сега ќе оди по нов предизвик и кариерата ќе ја продолжи во нова средина, а тој веќе е на радарот на повеќе екипи.
